မောင်တောမြောက်ပိုင်းတွင် ရိုဟင်ဂျာ လူမျိုးတုံးသတ်ဖြတ်မှု သက်သေအထောက်အထားများ ကို အသစ်ရောက်ရှိနေသည့် မြန်မာစစ်တပ်တပ်များက ဖျက်ဆီးပစ်နေ

မျက်မြင်သက်သေများ၏ ထွက်ဆိုချက်အရ မောင်တောမြောက်ပိုင်းသို့ အသစ်ရောက်ရှိနေသည့် မြန်မာစစ်တပ်များသည် ပြီးခဲ့သည့်အပတ်မှစ၍ ၂၀၁၇ ခုနှစ် ၊ သြဂုတ်လအတွင်းပြုလုပ်ခဲ့သည့် “ရှင်းလင်းရေးလုပ်ငန်းများ”စစ်ဆင်ရေးအတွင်း သတ်ဖြတ်ခဲ့သည့် ရိုဟင်ဂျာရွာသားများ၏ အစုလိုက်အပြုံလိုက် မြှုပ်ခဲ့သည့်သင်္ချိုင်းများကို ဖျက်စီးပစ်နေခြင်းများလုပ်ဆောင်နေသည့်ဟု ပြောဆိုသည်။စက်တင်ဘာ ၁၀ ရက်မှ ၁၄ ရက်အကြား မြန်မာစစ်တပ် ၂၀၀၀ ခန့်သည် ပင်လယ်ကမ်းရိုးတန်း အင်းဒင်မှ နတ်မြစ် အထက်ပိုင်း မောင်တောမြောက်ပိုင်းသို့ ငါးဖမ်းစက်လှေများဖြင့် သယ်ယူ ပို့ဆောင်ခြင်းခံခဲ့ရသည်။၎င်းစစ်သားများသည် အင်းဒင်းအနီး ကျောက်ချထားသော မြန်မာရေတပ် စစ်သင်္ဘော ၄ စီးဖြင့် ရောက်ရှိလာသူများဖြစ်သည်။
စစ်သားအသစ်များကို မောင်တောမြောက်ပိုင်းခရိုင်၊ ခမောက်ဆိပ်မြို့နယ်ခွဲရှိ နယ်ခြားစောင့် တပ်စခန်းများ၌ တပ်ချထားခဲ့သည်။ ထိုနေရာတွင်ရိုဟင်ဂျာကျေးရွာအမြောက်အများဖျက်ဆီးခံရပြီး ၂၀၁၇ ခုနှစ်တွင်ရိုဟင်ဂျာရာပေါင်းများစွာသေဆုံးခဲ့သည်။
စက်တင်ဘာ ၂၁ ရက်မှ စတင်၍ ခမောက်ဆိပ်ကျေးရွာရှိ ဒေသခံရိုဟင်ဂျာမဟုတ်သော ရွာသားများ သည် အသစ်ရောက်ရှိလာသော မြန်မာစစ်တပ်များသည် ယခင်ရိုဟင်ဂျာကျေးရွာများအတွင်း သတ်ဖြတ်မှုများ၏ အကြွင်းအကျန်များကိုရှာဖွေခြင်း၊ အစုလိုက်အပြုံလိုက် သတ်ဖြတ်ခြင်း၏ သက်သေအထောက်အထားများကို ဖျက်ဆီးပစ်နေသည့်ဟု သက်ဆိုင်ရာ ဌာန သို့ အစီရင်ခံတင်ပြခဲ့‌ကြောင်းသိရသည်။
ပြီးခဲ့သည့်အပတ်က ဒေသခံရွာသားများက ဘူးသီးတောင်မှ မေယုတောင်တန်းများကို ဖြတ်ကျော်ပြီး၊ ခမောက်ဆိပ်ကျေးရွာတောင်ပိုင်း၊ ငရန်းချောင် -တချို့သော ဒေသခံများက အိစ်ဒေးဖါကျေးရွာ ဟုခေါ်- (နယ်မြေစောင့်တပ်ရဲစခန်းသို့) တင့်ကား ၆ စီးရောက်ရှိလာသည်ဟုပြောဆိုသည်။ ငရန်းချောင်းသည် ဘင်္ဂလားဒေ့ရှ်နယ်စပ်မှ ၆ ကီလိုမီတာခန့် အကွာတွင်ရှိပြီး နယ်စပ်စောင့်တပ်ရဲစခန်းနံပါတ် ၂ လက်အောက်တွင်ရှိသည်။
စက်တင်ဘာလ ၁၅ ရက်နေ့တွင် ဘင်္ဂလားဒေ့ရှ်နိုင်ငံသည် ကုလသမဂ္ဂလုံခြုံရေးကောင်စီတွင် ဘင်္ဂလားဒေ့ရှ်နယ်စပ်အနီးတွင် မြန်မာစစ်တပ်များ၏ ပုံမှန်မဟုတ်သော စစ်သားများ လှုပ်ရှားမှု၊ ရောက်ရှိလာခြင်းနှင့် ပတ်သက်၍ စိုးရိမ်ပူပန်မှုများကို ထုတ်ဖော်ပြောကြားခဲ့သည်။
အပြည်ပြည်ဆိုင်ရာ တရားမျှတမှုတရားရုံးမှ ဂမ်ဘီယာနိုင်ငံမှ မြန်မာနိုင်ငံအား လူမျိုးတုံး သတ်ဖြတ်မှုဆိုင်ရာ ကွန်ဗင်းရှင်းအရ အရေးယူခြင်း၊ လူမျိုးတုံးသတ်ဖြတ်မှု စွပ်စွဲချက်များနှင့် သက်ဆိုင်သော သက်သေ အထောက်အထားများကို ထိန်းသိမ်းရန်နှင့် ပျက်စီးခြင်းကို ကာကွယ်ရန် လိုအပ်ဟု ညွန်ကြားခဲ့သည်။
မောင်တောမြောက်ပိုင်းသို့ မြန်မာစစ်တပ်များ ရောက်ရှိလာသည့် အချိန်မှစ၍ ဒေသခံ အာဏာပိုင်များ သည် မောင်တောတစ်ဝိုက် နေ့လည် ၁ နာရီမှ နံနက် ၅ နာရီအကြား ညမထွက်ရအမိန့်ကို ကိုဗိတ်- ၁၉ ပြန့်ပွားမှုကို ကာကွယ်ရန် အတွက် ထုတ်ပြန်ခဲ့ကြောင်း ဖြစ်သည်ဟုပြောကြားခဲ့သည်။
မောင်တောတောင်ပိုင်းရှိ ရွာသားများက စက်တင်ဘာလလယ်ပိုင်းက အလယ်သံကျော်ကျေးရွာရှိ ရေတပ်သင်္ဘောများဖြင့် ရောက်ရှိလာသည့် မြန်မာစစ်တပ် တပ်သား ၈၀၀ ခန့်သည် ဘူးသီးတောင်ရှိ ရခိုင်တပ်တော်အား တိုက်ခိုက်နေသည့် တပ်ရင်းများကို အားဖြည့်ရန် အရှေ့ဘက်သို့ မေယုတောင်တန်း များကို ဖြတ်လျှောက် သွားခဲ့သည်ဟု သတင်းများရရှိခဲ့သည်။

Leave a Reply